Hamu angka dongan na di dumay on, hea do tahe di allang hamu gadong?.
Huhilala molo angka dongan sian Garoga, Sipahutar, Pangaribuan sude
dope ra ate mangallang gadong tingki dakdanak. Alana tung mansai porsuk
do poang parngoluon di hitaan. Jadi ingkon allangon do gadong on asa
dilean iba mangan indahan. Alani godang ni gelleng ni dainang gabe
diloppa ma attong gadong i asa boi manghemat boras sahat tu panen na
naeng ro muse.
Jadi molo di juma manang di hauma hami, niallang ma
gadong on hira hira jam 10.00 manogot nai. dibahen muse ma dongan na kopi
manang spade batak. Molo istilah di angka parkarejo kantor sai hira "Coffee
Break" ma rupani. Sae na manggadong on, karejo ma muse iba dua jom nai
baru pe dilean mangallang indahan dohot gulamo na nitutung. Hehe,,,,tahe
porsuk nai.
Taringot tu na manggadong on adong do rupani
sada peristiwa na sai huingot sahat tu saonnari. Di tingki i manggadong
ma hami di sopo sopo na di hauma i. Hape lewat ma sahalak partulangon
marga Silitonga. Jadi di gora ibotokku ma " Tulang na gadong on" ninna.
Huroha dang di bege tulang i.
Digora ma muse " Tulang Nagadongon!" ninna
mansai gogo. Mamintor marbalik ma tulang i laos ninna " Ai naso di boto
ho do adat, boha do di dokhon ho Tulangmu Nagadongon". Jala pintor di
hojoti tulang i ma mardalan huhut marbete - bete, hehe....
Jadi i ma jo tusi
angka dongan. Beta hamu namartugo on, Nungga masak be sambal siala
manang rias di loppa inang pangintubu di sopo sopo an.
Poda " Jadi na manjaha manang na manghatahon sada hata iba, porlu do hape par rohahon on ta tanda baca"
Tidak ada komentar:
Posting Komentar